Energi Cycling

Оваа година Vuelta а Espańa ја прославува својата 75^та годишнина. Во сабота (28 август) ќе стартува 65^то издание на оваа велосипедска трка. Овогодишното издание ќе биде максимално отворено, со најмалку пола дузина велосипедисти-кандидати за искачување на највисокото место на подиумот. Во креирањето на списокот на фаворити, комбинирано беа користени листите на најпознатите светски обложувалници, кои редовно ги нудат своите услуги кога се во прашање најпопуларните велосипедски трки од Календарот на Union Cycliste Internationale.

DENIS MENCHOV

Држава: Русија

Екипа: Rabobank

Години: 32

Најдобар пласман: Победник на Vuelta во 2005 и 2007 година

Квота: 4, 00

http://sports.williamhill.com/bet/en-gb/betting/e/1382322/Vuelta-a-Espana---Outright.html

Шампионот на Vuelta од 2005 и 2007 година заслужува да биде рангиран како еден од најсериозните фаворити за освојување на Vuelta 2010. Искусниот Русин се покажа во одлично светло во јули на Tour de France 2010, завршувајќи на трето место во конечниот пласман. Тој ја базираше својата сезона околу Tour и иако не ја освои трката, тој извози брилијантна трка. По пет изминати седмици и еве го повторно Menchov, во обид да го достигне зенитот повторно, како последен обид да го заокружи својот шестгодишен престој во Rabobank, пред да се пресели во новоформираниот Team GEOX. „Ментално и психолошки сум во ред. Одам на Vuelta за да победам, но никогаш не е лесно“ – изјави Русинот. Овогодинешното издание на Vuelta се карактеризира со брутални искачувања, па може да биде навистина тешко за Menchov до го повтори успехот од 2005 и 2007 година. Како и да е, тој е на ниво во речиси секоја трка во која учествуваше годинава, второ место во генерален пласман на Tour of Romandie и Vuelta a Murcia, подиум на Tour ... Menchov е добар во „борбата со часовникот“ и тоа може да се покаже како клучен фактор во 46 километарскиот хронометар во последната седмица од трката. Во планините, Менчов ќе смета на својот верен domestique, Juan Manuel Garate.

FRÄNK SCHLECK

Држава: Луксембург

Екипа: Saxo Bank

Години: 30

Најдобар пласман: /

Квота: 4, 00

http://sports.williamhill.com/bet/en-gb/betting/e/1382322/Vuelta-a-Espana---Outright.html

Fränk Schleck заработи скршена клучна коска на калдрмите низ Франција изминатиот јули и токму поради тоа Fränk ќе ја стартува Vuelta 2010 во прилично свеж здив. Schleck Постариот само еднаш има настапено на Vuelta, и тоа минатата година, кога се повлече од трката за да се концентрира на Светското првенство што се одржа во Мендризио, Швајцарија. Оваа година, не само што ќе има за цел да ја заврши трката, туку и да триумфира на истата, како шанса за последен триумф на Grand Тour во боите на Saxo Bank.Досега, Fränk има солидна 2010 сезона-победа на третата етапа и победа во генерален пласман на Tour de Suisse. Истотака, тој е актуелен државен друмски шампион на Луксембург. Што се однесува до успесите на Grand Тours, Fränk има забележано две петти места во генерален пласман на Tour de France, при што ланскиот резултат го оствари како поддршка на неговиот помлад брат, Andy. И Andy Schleck ќе настапи на Vuelta 2010. По напорниот Tour, Andy би требало да вози како поддршка на неговиот постар брат. Оваа комбинација може да биде убиствена за останатите фаворити-имајќи го Andy покрај себе во високите планини, сигурно ќе претставува мотив повеќе за Fränk да ја освои својата прва Grand Тour титула.

VINCENZO NIBALI

Држава: Италија

Екипа: Liquigas-Doimo

Години: 25

Најдобар пласман: /

Квота: 5, 00

http://sports.williamhill.com/bet/en-gb/betting/e/1382322/Vuelta-a-Espana---Outright.html

Нибали ужива во својата фантастична 2010 сезона. Примарно, неговиот фокус беше насочен кон Vuelta 2010, меѓутоа доцното повлекување на Franco Pellizotti од составот на Liquigas-Doimo за Giro d’ Italia 2010 значеше учество на Nibali на наголемата италијанска трка. Резултатот беше феноменален, Nibali извојува победа на една етапа, ја носеше Maglia Rosa, заврши на третото место во генерален пласман, а сето тоа како супер помошник на својот тимски лидер, Ivan Basso, кој го освои овогодинешното Giro.Родениот Сицилијанец (во Messina) оствари победи и на Tour of Slovenia и Tour de San Luis оваа сезона. Со Giro-то зад себе од мај, Nibali е свеж повторно да ги предизвика противниците за победа на оваа трка. Тој е сосема солиден искачувач на планини, а стрмните планини на понуда за оваа година, може да се јават како негов добар сојузник.

EZEQUIEL MOSQUERA

Држава: Шпанија

Екипа: Xacobeo-Galicia

Години: 34

Најдобар пласман: 4^то место во 2008 година

Квота – 9, 00

http://www.sportingbet.com.au/Default.aspx#&&s=Sports-Cycling 2010+Vuelta+a+Espana+Futures-1753525

Ezequiel Mosquera има остварено одлични успеси на Vuelta во претходните сезони, два пати петто и еднаш четврто место. Тој сé уште нема завршено на подиум на неговата домашна трка, меѓутоа тоа може да се смени оваа година.Оваа сезона Mosquera нема победа, но е константен. Ја извози Vuelta a Burgos во одличен стил, завршувајќи на второто место, финишираше на третото место на Vuelta a Castilla y Leon, а за малку му побегна подиумот на  Vuelta a Asturias, скрасувајќи се на четврто место. Имајќи го предвид фактот дека оваа Vuelta е максимално отворена, како и тоа дека голем број од фаворитите извозеа еден тежок Tour de France, ова може да биде годината во која Mosquera ќе го стави својот печат на трката.

IGOR ANTON

Држава: Шпанија

Екипа: Euskaltel-Euskadi

Години: 27

Најдобар пласман: 8^мо место во 2007 година

Квота – 9, 00

http://www.bet365.com/

Како Ezequiel Mosquera и Igor Anton нема возено на Grand Tour оваа сезона. Сепак, Антон има успешна сезона, завршувајќи втор во генерален пласман на Vuelta a Castilla y Leon, притоа освојувајќи ја третата етапа со победа над Alberto Contador на тежок брдски финиш.Својата професионална кариера Anton ја започна во 2005 година и веднаш во 2006 година победи на шеснаесеттата етапа на Vuelta а Espańa. Во следните две изданија на Vuelta а Espańa Igor Anton покажа одлична форма и потенцијал, „верно“ следејќи ги Alberto Contador и Alejandro Valverde на високите планински искачувања низ Шпанија на Vuelta 2008. За негова голема несреќа, му се случи пад на етапата што се возеше до Alto de L'Angliru и како резулатат на тоа ја скрши клучната коска, што доведе до преран крај на сезоната. Во досегашната кариера Igor Anton докажа дека може рамноправно да се бори со најдобрите кога на „дневен ред“ ќе дојдат високите планини и ако и овој септември повторно го покаже својот раскошен талент, сигурно ќе биде „означен велосипедист“ од останатите фаворити.

ANDY SCHLECK

Држава: Луксембург

Екипа: Saxo Bank

Години: 25

Најдобар пласман: /

Квота: 13, 00

http://www.bet365.com/

 Andy Schleck е велосипедист кој несомнено еден ден ќе застане на врвот на пиедесталот на Tour de France. Со неговиот талент и досегашните успеси на само 25-годишна возраст ретко кој велосипедист може да се пофали. Ќе наброиме само неколку: две втори места во генерален пласман,  две етапни победи и три бели маички за најдобар млад велосипедист на Tour de France; најдобар млад велосипедист на Giro d’ Italia 2007; триумф на Liege-Bastogne-Liege 2009; Државен друмски шампион на Луксембург за 2009 година; Државен шампион во хронометар на Луксембург за 2005 година ...Прашањето кое се поставува е дали Andy ќе вози како поддршка на неговиот постар брат Fränk или можеби ќе бара одмазда за „изгубениот Tour“ од Contador токму на шпанска почва? Можеби и уморот од јулското издание на Grande Boucle ќе го направи своето? Како и да е, профилот на овогодинешното издание на Vuelta а Espańa совршено одговара на неговите карактеристики како велосипедист, со исклучително високи квалитети за искачување по долги и стрмни планини. Останува да се види со каква тактичка замисла ќе настапи тимот на Saxo Bank на Vuelta а Espańa 2010.

CARLOS SASTRE

 Држава: Шпанија

Екипа: Cervelo Test Team

Години: 35

Најдобар пласман: 2^ро место во 2005 и 2007 година

Квота – 13, 00

http://www.sportingbet.com.au/Default.aspx#&&s=Sports-Cycling-2010+Vuelta+a+Espana+Futures-1753525

Шампионот од Tour de France 2008, Carlos Sastre на стартната линија во Севиља ќе го започне третиот Grand Tour оваа сезона. Досега во својата кариера, тој има завршено три пати на подиумот на Vuelta а Espańa, а овој пат ќе ја бара шансата да го подобри својот досегашен најдобар резултат.

Сепак, да се достигне зенитот на формата за три Grand Tours во текот на една сезона може да биде невозможна мисија за Sastre. Тој заврши на осмото место на Giro, на дваесеттото место на Tour, па навистина може да се најде на тешки маки во наредните три седмици. Сепак, едно нешто е сигурно – Sastre никогаш не се предава, па така и сега. Ќе се бори до последниот атом од силите и затоа не смее да се избрише од листата на фаворити.

JOAQUIN RODRIGUEZ

Држава: Шпанија

Екипа: Team Katusha

Години: 31

Најдобар пласман: 6^то место во 2008 година

Квота – 19, 00

http://www.sportingbet.com.au/Default.aspx#&&s=Sports-Cycling-2010+Vuelta+a+Espana+Futures-1753525

Оваа сезона дефинитивно е најуспешната во кариерата на Joaquin Rodriguez. Го освои осмото место во генерален пласман на Tour de France, триумфираше на дванаесеттата етапа и покажа дека е еден од најдобрите брдаши на трката. Негова специјалност се кратките и навистина стрмни брда. Победник во пласманот за најдобар брдски возач на Vuelta а Espańa 2005,  оваа година Rodriguez цели на место на подиумот, меѓутоа после истоштувачкиот Tour, можеби ќе има проблеми да ја пронајде правата форма. Katusha доаѓаат на Vuelta со силна екипа, а човекот задолжен за поддршка на Rodriguez е Vladimir Karpets. Во случај Rodriguez да потфрли, Karpets би можел да ја преземе улогата на заштитен возач во Katusha.

DAVID ARROYO

Држава: Шпанија

Екипа: Caisse d’ Epargne

Години: 30

Најдобар пласман: 19^то место во 2006 година

Квота – 51, 00

http://www.bet365.com

Со голема веројатност може да се каже дека Arroyo ќе биде лидер на тимот на Caisse d’ Epargne на оваа Vuelta. Оваа сезона е исклучително успешна за Шпанецот, го освои феноменалното второ место во генерален пласман на Giro d’ Italia и ја носеше Maglia Rosa на пет етапи. Во изминатите сезони Arroyo покажа дека добро се снаоѓа на трки кои траат три седмици, а Giro 2009 (десетто место) и Giro 2010 се најдобар доказ за тоа. Освојувањето на деветнаесеттата етапа на Vuelta а Espańa 2008 претставува најголем успех во неговата кариера. Caisse d’ Epargne имаат солиден тим позади Arroyo, со велосипедисти како Luis Leon Sanchez, Marzio Bruseghin и Rigoberto Uran. Ако Arroyo вози како што возеше изминатиот мај, тогаш победата не е невозможна.

Текст: Chris Graetz, Daily Peloton, 22.08.2010

Изминатиот викенд (7-8 Август 2010 г.) натпреварувачката екипа на Енерџи ја помина во село Тресонче, како дел од Тур на Западна Македонија сочинет од две етапи. Целта беше зближување на екипата како подготовка за последниот дел од натпреварувачката сезона. Првата етапа се одвиваше на делницата Скопје - Маврово - Тресонче во должина од 143км. Домаќин во Тресонче беше Др. Жан Илиќ кој покрај извозените 143км не почести со доза кулинарство, прошетка по атарот и инструкции за нуркање во Тресонечка река. Го напуштивме Тресонче во Недела наутро со цел да го затвориме кругот планиран за викендот, Тресонче - Дебар - Струга - Кичево - Гостивар - Тетово - Скопје со должина од 250км. По 7ч37м во седло, целата екипа на Енерџи безбедно се врати во Скопје, а малку повеќе за атмосферата од викендот говори галеријата на фотографии. Момци, БРАВО!!!

Галерија на фотографии...

13.06.2010 Љубљана. 8 натпреварувачи на Енерџи земаа учество на Маратонот Фрања во Словенија со должина од 160км (www.franja.org).  Сите 8 го завршија кругот во солидно време меѓутоа треба да се издвои настапот на Горан Кузмановски кој се пласираше на 25то и Ѓорѓи Попстефанов кој го завзема 171вото место од вкупно 1600 натправарувачи. Во прилог е изјавата на Горан Кузмановски за Словенско Дело како и дел од резултатите. Комплетните резултати можат да се видат на http://www.timingljubljana.si/default.asp?id=2&id1=2010.

Галерија на фотографии...

Attachments:

File	Description	File size
Delo_FranjaMaraton2010.pdf		772 Kb
Delo_FranjaMaraton2010_results1.pdf		455 Kb
Delo_FranjaMaraton2010_results2.pdf		462 Kb

Успешно организирана, со наши натпреварувачи и на подиумот, со повеќе публика од лани и за среќа со ниту еден инцидент и ниту еден повреден учесник или гледач се одржа третиот Критериум Енерџи, кој од оваа година првпат се возеше како меморијална трка „Зоран Трајчевски“, во чест на нашиот пријател. Најбројни меѓу учесниците повторно беа велосипедистите во (од оваа година) зелено-бели дресови, што во превод значи - членови на Енерџи. Во својот препознатлив тактички и фуриозен стил нашите велосипедисти го вжештија асфалтот на скопските улици, кој, освен неколкуте традиционални дупки, беше сув и погоден за добар вело-бој. (Добро, Јахи малку се лизна, ама не е виновен тој, туку некое лошо детиште, „пезевенк“ некој, кој излегувајќи од Мекдоналдс истурил мајонез на асфалтот.) За жал ниту една од девојките не ја заврши трката, зашто беа престигнати од другите. Да се надеваме дека од следната година ќе бидат водени како посебна категорија и дека со тоа ќе им се даде воља и на други девојки да се натпреваруваат. За се да се заврши на арно, без да летаат кеси со компири, или нечии сандали, се погрижија вторите учесници во трката - редарите, кои заслужуваат голема пофалба. Храбро, соочувајќи се со несовесните минувачи, го одржуваа редот и не дозволија „ниту пиле“ да прелета преку патеките. Публика имавме троа повеќе од лани, што зборува дека трката си добива на популарност. Па, да се надеваме дека за година-две, децана ќе почнат да си разменуваат и да играат „на тапка„ со сликички од наши велосипедисти.